یکم فروری کو بجٹ پیش کرنے پر روک لگائے الیکشن کمیشن: مایاوتی

اترپردیش سمیت ملک کی پانچ ریاستوں میں الیکشن پروگرام کا اعلان ہونے اور انتخابی بگل بجنے کے درمیان بہوجن سماج پارٹی (بی ایس پی) نے الیکشن کمیشن سے یکم فروری کو عام بجٹ پیش کرنے سے مرکزی حکومت کو باز رکھنے کی اپیل کی ۔
محترمہ مایاوتی نے آج یہاں کہا کہ"ووٹنگ کی تاریخوں کا اعلان الیکشن کمیشن نے



کیا ، جس کا ہم تہہ دل سے استقبال کرتے ہیں۔ منصفانہ اور شفاف انتخابات کے لیے کمیشن سے ہماری درخواست ہے کہ وہ مرکزی حکومت کو یکم فروری کو عام بجٹ پیش کرنے سے روکے،تاکہ اترپردیش کے اقتدار پرقابض ہونے کیلئے بیتاب بھارتیہ جنتا پارٹی (بی جے پی) کے مرکز میں اپنی حکومت کی مدد سے اس کا ناجائز فائدہ نہ اٹھا سکے"۔